Curso de Piragüísmo

Como podedes ver, celebramos o curso de piragüísmo para cativos, e non tan cativos. Foi unha primeira proba para que se foran adaptando e collendo as nocións básicas. E debido a aceptación e resultados imaxino que repetiremos

CARTAZ DO PONTE LOUCO

Aquí está a nova criatura e para que vexades que a cousa vai en serio aqui vos deixamos algún enlace:
http://www.komunikando.net/komunikajoomla/content/view/2327/62
http://es.wikipedia.org/wiki/Festival_Ponte_Louco
http://www.lavozdegalicia.es/deza/2010/07/20/0003_8620092.htm?utm_source=buscavoz&utm_medium=buscavoz

Editan «Volta e revolta», unha novela inédita do desaparecido escritor Xoán Manuel Casado

Foto: La Voz de Galicia

Sengudo conta na edición do 30 de xullo La Voz de Galicia a editorial A Nosa Terra ven de editar unha novela inédita no escritor, con ascendencia no Castro, Xosé Manuel Casado.

O texto que reproducimos podédelo ver tamén na web do xornal:

"Oito anos despois do seu pasamento Xoán Manuel Casado (Barcelona, 1.949 - 2.002) volta a ocupar un lugar privilexiado na oferta literaria de Galicia e nos andeis das librarías. E faino grazas a un seu amigo, Xesús González Gómez, que recupera unha novela inédita do escritor catalán con ascendencia ourensana, nas terras de Castro Caldelas. Volta e revolta é o título da novela que recupera a editorial de A Nosa Terra e na mesma o protagonista é un guionista de cine que regresa á súa terra desde Francia, co obxectivo de coñecer o lugar donde fora paseado o seu pai no ano 1.936.

Volta e revolta é unha novela curta, 114 páxinas, que o desaparecido escritor elaborou sen puntos e aparte. A historia sitúase temporalmente nos anos noventa e o relato faise en segunda persoa. Para o crítico Xesús González Gómez con esta obra Xoán Manuel Casado demostrou «que se pode escribir unha gran novela curta», situando este texto no extremo oposto á obsesión galega pola novela longa.

Xoán Manuel Casado era avogado do Estado e centrou a maior parte da súa obra en galego na poesía, ademais de ser autor, xunto con Xosé Manuel Salgado, dun extenso libro de conversas con Méndez Ferrín."

Viravolta-Seis dedos

O pasado 20 de xullo saíu en La Voz de Galicia unha reportaxe sobre a compañía de títeres Viravolta-Seis Dedos, uns clásicos do Ponte Louco, que este ano volverán a estar. Copio o texto, xa que falan de nos:

"Non é a primeira vez que Seisdedos se bota ao Camiño para representar algunha obra. Representacións que lle permite ao camiñante atopar algo máis ao final de cada etapa, cando xa restan poucos folgos, pero chega a diversión da man da compañía lalinense. Onte, en Padrón, os peregrinos foron os atentos espectadores da obra «O cego dos monifates»; teatro de rúa bululú e monicreques tradicionais.
A compañía de maese Seisdedos, cego e monicrequeiro ambulante representa usando a técnica tradicional do bululú galego na que o lazarillo manipulaba os bonecos ocultos na capa do cego, que tocaba a zanfona, contos medievais (Joan de Timoneda, Lope de Rueda...) e cancións tradicionais (O sacristán de Coímbra). Unha representación que levan a cabo dous lalinenses; os actores-manipuladores Anxo García e Fran Lareu que onte recibiron os aplausos de numerosos peregrinos entre os que figuraba un nutrido grupo de portugueses que están facendo ao Camiño a Compostela, neste Ano Santo Xacobeo. Representación na que se reflectiu a dinámica clásica da picaresca e do engano entre cego e lazarillo que desencadeou os sorrisos dos camiñantes. Trátase dun espectáculo para todos os públicos, segundo explican os organizadores, «especialmente deseñado para representar en feiras, mercados e festexos medievais». Un espectáculo que se presta para «representar ante un grupo de xente, de idades dispares, como poden ser os peregrinos».
Voltará Seisdedos a escenificar «O cego dos monifates» pero, nesta ocasión, farao en Zamora no Museo Etnográfico de Castilla y León o vindeiro 29 deste mes de xullo. Con anterioridade, o día 27, na Casa da Cultura de Ordes tocaralle o turno á obra «A caixa de música». Un mes no que figura tamén outra actuación na explanada da estación de Renfe en San Francisco, Ourense, onde o grupo lalinense escenificará «O horrorroso crime de Xan Miñoca».
A compañía segue tendo un apretado calendario de actuacións para os vindeiros meses. De feito, para o vindeiro agosto, xa ten pechadas actuacións na Pobra do Caramiñal, Ourense, Zamora, Melide, Tui, Cambre, Noia e Brión. Un ano máis acudirá ao Concello de Agolada o próximo 10 de agosto con motivo da celebración da Feira Medieval, que se desenvolverá nos pendellos, a onde levará a obra «Varietés». Por outra banda ten previsto participar tamén no Festival Ponte Louco de Castro Caldelas, que está fixado para o vindeiro 21 de agosto. E, tralo verán, xa están pechadas actuacións para os primeiros meses de outono."

Lumeares: Mes do espantallo

Agosto, será en Lumeares, o mes do espantallo. A actividade comeza o venres 6 de agosto, coa elaboración dos espantallos por parte dos veciños, e de calquera que se queira animar e estarán colocados nas fincas dos veciños durante todo o mes.

Ademais ó día seguinte celebrarase a festa e verbena, coñecida como o Lumearazo

Curso de Piragüísmo

O sábado 31 de xullo as 11:00 oraganizamos un curso de iniciación ó piragüismo para nen@s. Simplemente será un pequeno achegamento ao manexo destas tripulacións.

A inscrición é gratuíta e podédela facer no Centro Comarcal; podédelo facer no teléfono 988 204 630 ou no mail cctcaldelas@comarcasdegalicia.com ou en persoa e así aprobeitar para ver a exposición de esculturas de Moxón, e recoradade que neste mes e no que ven pecha o sábado á terde e o domingo todo o día.

24 E 25 DE XULLO-FEIRA DO VIÑO EN CASTRO CALDELAS

Outro ano máis os adegueiros da zona farán as delicias de todos os que se acheguen a Feira do Viño da Ribeira Sacra que se celebrará os días 24 e 25 de Xullo na praza do Prado de Castro Caldelas.

Non volo perdades xa que é unha oportunidade única de coñecer os nosos caldos, de aprender algo máis sobre eles e como non de pasalo moi ben.

Xitumá Batuké

O pasarrúas do sábado a cargo de Xitumá Batuké, un grupo de percusión brasileña... eso si, ser son de Xinzo; que nos traerán ritmos coma a samba, reagge, funky, baiao, rap...

E pecha o cartel: os CUCHUFELLOS

Ademais de Chotokoeu e Algargata, este ano volverán ao Ponte Louco, os Cuchufellos, e así tocarán os temas do seu último traballo "Achegaivos Feligreses".

Pos si hai alguén que non os coñeza (que o dubido) que se pase polo seu myspace, e para os que os coñecen que dicir... que cada ano mellor

Máis blog da zona

Os blogs van e veñen, algúns pouco duran, pero vouvos comentar de algúns que foron nacendo e falan de historias da zona:

En la Ribeira Sacra é outro proxecto da xente do Caserío da Castiñeira no pretenden dar a coñecer esta zona, facendo cousas tan interesantes coma eses mapas virtuais de mosteiros ou de miradores

Uns e Ceros é un blog personal, do Manolo da Teixeira no que fala de temas de actualidade, pero sobre todo relacionado coa tecnoloxía, tema do que é un gran coñecedor

Portelazo Este xa leva un tempo, eso si sen moita actualización, esperemos que agora que se achega o verán vaian colgando novas da seguinte edición.

En contos da Ribeira Sacra Eduardo Prieto contanos historias da Ribeira Sacra, en especial da Terra de Caldelas, de esa terra que como el di "foi e xa non é"

Oscar Gómez (da Teixeira) fala no seu blog das súas experiencias ciclistas

Eladio crea un novo blog: Mil Xeitos de Ollar para expoñer fotos de diversos tipos

Por último falar do blog de Florencio de Arboiro e da Asoc Ben Cho Shey onde podedes ver as novas deste artista e da Asociaición que pretende recurar a figura do afiador (hai un video de TVE moi interesante)

Máis nomes: CHOTOKOEU

Ademais de Alpargata, no PONTE LOUCO 2010 actuará o grupo Coruñés CHOTOKOEU.

Eles autodefínense coma "fusiónn festiva", e iso, sen dúbida, ten moito que ver co Ponte Louco. Para facer música bailable mesturan diversas músicas: ska, a rumba, o reggae, o Folk, latina ou Swing.

Na súa curta historia teñen tocado en diversos festivais do pais (Senuncan, Festival da Chaira, ...) recibido premios como o galiza Crea 2009.

Se queredes saber máis visitade o seu myspace ou os seus videos no youtube

E estade atentos que a semana que ven hai máis novas ¿Quen será o terceiro grupo deste ano?

Andaina de Lumeares

Outro ano máis a AAVV "Lumeares ComoMires" organiza a andaina.

A data é o 15 de Maio, sábado a saída farase dende a Teixeira (no Campelo). Os teléfonos de contacto son o 689 433 425 e 678 856 183.

O percorrido sae pola estrada que vai a Boazo e baixa cara Lumeares, logo sobe cara ó Fontao (Sta Marta) por un precioso sendeiro que polas ladeiras do Caldelas, tendo unhas preciosas vistas do Sil.

Dende alí collese unha pista que vai pola ribeira do Sil, donde hai unhas vistas espectaculares de Amandi, e que chega ata Cristosende. Dende aí vólvese á Teixeira.

Alí realizarase unha comida, pero o prezo está sen confirmar.

EXPOSICIÓN: HISTORIA DO LIBRO, O LIBRO NA ESCOLA.

Esta semana inaugúrase unha nova exposición no Centro Comarcal organizada por dito centro en colaboración coa Asociación O Irrio.
Na nova exposición poderedes ver unha pequena historia sobre a invención da escritura que realmente foi o que posibilitou que aparecesen os libros. Noutro apartado amósase información sobre o día do libro e sobre unha das obras máis importantes da literatura en lingua castelá: El Quijote. Temos tamén outra sección adicada a libros antiguos con algunhas curiosidades como unha obra editada en Seone de Argas a principios do século XIX e outro apartado de "curiosidades" con facsímiles de textos como As Cantigas de Amigo, El Camino, etc... Pero o groso da exposición céntrase no libro na escola con exemplares que van dende principios dó século XX ata agora e percorren todas as materias que dende entón se teñen estudiado: dende "labores del hogas" ata as máis modernas coma Tecnoloxía ou Informática.
Esperamos que vos guste e lembrámosvos que todos aqueles interesados en contribuir cos seus préstamos a dita exposición poden facelo sin problema. Desexamos que siga medrando.

Novo Blog: cocina medicina

Nestes tempos de declive da blogosfera aparece no parorama caldelao un no blog. Os donos da Casa da Castiñeira fannos unha proposta: cocina medicina, que con ese nome tan gráfico pouco hai que explicar, simplemente animarvos a que vos acheguedes ao blog. Ademais como podedes ver tamén lle pegan a fotografía.

CLAUSURA DA EXPOSICIÓN "ERAN OUTROS TEMPOS"

Esta semana desmontarase a exposición de fotos e xoguetes antigos organizada pola Asociación O Irrio e mais o Centro Comarcal.

Dende aquí queremos dar as grazas a todos os que contribuiron a facela posible deixándonos o material.

Xa estamos traballando na próxima. esta vez estará adicada ó libro: a súa historia, os seus tipos o libro na escola. Así que xa sabedes: TODO O VOSO MATERIAL É BENVIDO.

Alpargata, acustico en Tele K - Mucha Mierda

Xa temos un grupo para o PL 2010

A NAI DE TODAS AS FESTAS: OS FACHÓS

Protagonistas da mellor festa do mundo mundial: chourizos,viño,lume,palla,música, e como non, xente,xente,xente.

Con todo esto e con moitas gañas, nas terras de Caldelas vense celebrando desde fai moitos anos unha festa que non so reúne a practicamente toda poboación do Concello de Castro Caldelas e concellos limítrofes, senon tamén a moitísimos visitantes que cada se animan a celebrar esta festa con todos nós. Son os folgos de todos os que fan esta festa ,e so se entende unha vez que se vive. Para todos os caldelaos é unha honra selo o dezanove de Xaneiro. Poder vivilo todos os anos e contar os días ata o seguinte ano,unha paixón. Se nunca estivestes que saibades que xa queda menos para o próximo ano e ide aprendendo: VIVAN OS FACHÓS,VIVA SAN SEBASTIÁN!!!!

Fachós 2010 Ce e a Orquesta Pantasma