QUE REMEDIOS!!!!!!!

E de cenar, setas

Agora vai a entrada das festas, pero antes imos cenar, que andivemos ós chouparros pola tarde, e xa hai máis que o ano pasado, que tampouco é moito dicir. Unhas poucas lepiotas e algún boleto, faiseme a boca auga...

¿VIVEN?

As festas do Castro remataron. Hainas que amenazaban con entonar o "Pobre de mí" e logo cair nunha profunda depresión. Os que non tivemos a sorte de estar ata o día 10 QUE-RE-MOS-SA-BER!!!!!!!!!!!!!!!! Por exemplo: ¿cal foi a última modalidade de loucura que inventastes para o día 10 (supoño que o de aspirar o elio dos globos e o do partido solteiros-casados das cinco da mañá xa está moi visto), ¿qué tal as orquestas?, ¿pelexou con vós a dos cochitos?, ¿conseguiu o Víctor cartos suficientes para facer as 24 horas nos cochitos?, ¿cal foi a "Jardinera Remedios 2008?, ¿qué parte do corpo lesionou Natalia?
Ocúrrenseme moitas máis preguntas, pero vouvos dar tempo para que reaccionedes e nos poñades ó día (se pode ser con fotos e vídeos sería xenial).
Se alguén quere saber máis, que pregunte!!!!

Vinte anos non é nada II

Acaba de enviarme esta foto Eladio, recen saída do forno.

Como podesde ver faltan algúns miembros, pero hai que loitar contra os elementos, o traballos, ...

Vinte anos non é nada

Vinte anos non é nada, ou polo menos iso é o que dicía o tango de Gardel. A min paréceme que si, que estes vinte anos que o día sete fai que actuamos por primeira vez, teñen moito que contar, moitos recordos, experiencias,…
O caso foi que os Airiños formáronse aló polo 82, pero cinco anos despois, o Luis do barrendeiro decidiu poñerse cuns rapaces que debutariamos ese sete de setembro do 88. Como podedes ver eramos unha tropa (non como agora que para xuntarnos temos que facer números): Luis, Darío e Luisiño, dos “Ariños vellos”; Lois, Roberto, Juan L Osorio, Iago Rodicio, Iago Rodríguez (Rubio), Claudito, Tomás, Orlando, Rubén, Juanki e Pedro, que non puido debutar por estar convalecente). A este uníronse algún: Adolfo, Toño, Alejandro, Teresa, Patricia e Anabel e Elena, que hoxe forman parte do grupo.
As fotos reflicten a evolución do grupo co paso dos anos:

Ano 91, Mazaira, o día da voda do Luis, ou dito doutro xeito, o día que nos emancipamos.

Ano 92, festa da bica.Mesmo ano, nos Remedios, as gafas de sol son por...

Ano 93, xa coas novas mienbrios, e coa recuperación do Juanecas

E na actualidade (falta na foto a Anabel).

Como non pretendo ser tan enciclopédico como o Pedrito, de momento non vou contar máis e deixo información para o vixesimoquinto anivesario, de momento.

P.D. Un recordo moi especial para o Darío, finado este ano, que compartiu moitos momentos con nos e que nos soubo trasmitir o espíriu festivo que temos da gaita.

Inaugurada a exposición fotográfica de Jorge Cacharrón

O luns foi inaugurada a exposición fotografica de Jorge Cacharrón no Centro Comarcal. Dende aquí convidarvos a que a visitedes, xa que poderedes gozar dunhas instantaneas que resaltan a beleza das paisaxes da zona.

Despois de un longo tempo apartado desta afición retomouna recentemente e como se pode ver adícalle tempo.

Ademais compartirá espazos cunha exposción de grabados do Castro, así que todos os que vos acerquedes ó Castro durante os Remedios buscade un intre para poder visitalas, merecen a pena.

Hoxe (día catro) fun o centro comarcal e vin que fixeran uns folletos con Texto do Pepe Sampaio, do que vou reproducir só unha parte: "Paisaxes é o reflexo dunha observación da natureza no seu momento de espledor, buscando os mellores efectos naturais que cada estación otorga ás imaxes, captándoas coa súa máquina e volcándoas no seu estudo para a finalización"

Paxina Web de Santa Tegra

O pasado día 27 abríuse unha páxina web de Santa Tegra, creada pola Asociación Cultural e de Veciños Cocas e Danzantes, que ademais de organizar as festas dedicanse a promocionar o pobo.
A nós que nos avisou e o reporteiro na ribeira (Ricardo Rodicio, o da foto).

E claro o falar de Santa Tecla, non nos podiamos esquecer do Pepe. Pois eso, visitádea, firmade no libro de visitas... e que nazan moitas máis.

Máis fotos do Ponte louco: "La juventú er loca"

A frase do tútulo é dun famoso filósofo da Teixeira (o Pío vello), e nas fotos, como podedes ver saen uns clásicos da noite, os mozos da Teixeira, Portela e Lumeares. Enviounolas Julio da Teixeira (moitas gracias), e que ademáis ten unha conta no youtube cuns videos de interese.

Máis fotos do Ponte louco: O Glorioso

Mándounos fotos un dos nosos fotógrafos particulares, o Glorioso (tamén coñecido coma o José Luis do Melucho).

Ponte Louco polo mundo adiante: Eladio e Belén

Eladio e Belén foron de viaxe por centroeuropa (Francia, Austria, Italia, Alemania e Suíza) e levaron varias camisetas para que o ponte Louco se faga máis viaxeiro.
Foto: Aiguille du Midi en Chamonix (Francia) ó fondo Mont Blanc e zona

Meersbug, Alemania

Lago de Constanza, Alemania, Austria y Suiza

Estas dúas fotos son de Schaffhausen (o pobo do de Pardeconde), fervenzas do Rin

E finalmente: Lugano, Suiza.

Moitas gracias, e para os demáis xa sabedes, se nos queredes envíar as vosas fotos, nós encantados.

Malabares no Ponte Louco

Marcos e o Celso xogando con lume no PL 07, pero podería ser en calquera, porque estes actuaron en todas as edicións.

Por só 5€

O que pode cambiar unha persoa por só 5 €

ANTES

DESPOIS

Andas dando ideas...

O PONTE LOUCO POR O MUNDIÑO ADIANTE

Aí o tedes, fotos de Roma,Siena,Orbieto,Florencia....O PONTE LOUCO POR O MUNDO ADIANTE!!! Cedidas, como se pode ver, por Dori e Alfonso. Por fin fotos como dios manda ( e con esto refirome as que fixo a miña cuñada...) no extranxeiro (vamos fora do Castro).

Tiñamos todas as esperanzas de recibir en breve fotos do Ponte Louco en Jamaica, pero por as inclemencias do tempo vai ser imposible (un tal Gustav anda jodendo por aí). Bueno igual nos poden mandar algunhas de Punta Cana porque parece ser que a camiseta do Ponte Louco si que viaxou para alí ( sen o dono).

Excavacións no Castelo

Andan facendo excavacións no castelo, concretamente:
Na porta que da para a rúa do Sol, onde a casa que era do Sr. Luis (actualmente do Manoliño)

No arco, a antiga torre que dá para a Rúa do Sol

E no interior da torre da homenaxe.

Os achádegos, segundo o arqueólogo, non son demasiado importantes polo de agora:
No ineterior da torre atopáronse restos dunha antiga muralla, que sigue a liña das paredes da biblioteca e que dá mostra de que é anterior tanto a esa edificación coma a actual torre da homenaxe.

Un candado na imaxe

Atopuse unha pedra redonda, coa forma coma se fose dun muíño.

E un pequeño canón, que debeu ser do pouco que escapou ó incendio dos franceses.

Ademais, Iria pedíulle permiso o arqueólogo para axudarlles a limpar algúns restos de cerámica atopados, e alí andaban os rapaces.

"O Forno" na blogosfera

Marando nos perfís dos bloguer caldelaos vexo que hai unha nova incorporación, o José Luis do Couto, e entro no seu perfil e lévome esta grata sorpresa: http://www.bicamantecada.com/

Unha páxina sinxela pero coa información suficiente.

Pois nada, que che vaia ben, que vendas moitas bicas.

Rota do Biduerial

Faltaba a foto de grupo na entrda do outro días, e como só a fixeramos co cámara de Eladio tivemos que esperar que nola mandara. Pois aí está

O Castro en Acción: o colillometro

Entre outras dinamicas xenais que realiza Iria cos nenos, no castelo, sorprendeume a do colillometro. Recoméndovola.