PORTELAZO MAZAZO 2011

Outro ano máis a cita na Portela será o día 13 de Agosto. Se vos gusta pasalo ben entre amigos este é o sitio. Non volo perdades...

Fin de semana intenso

O do 15 sempre foi un fin de semana complicado. Este ano non vai ser menos e con dous platos fortes: Montederramo e Portelazo

Montederramo celebra as festas patronais (14, 15 e 16), pero como previo rescatan ó festival "Son das Pedras" este ano con Cinco Bajo Cero e o Sonoro Maxin. E aquí podedes consultar a programación da semana cultural

O 14, o Portelazo, cunha chea de actividades: maxia, carreira de sacos, sorteos, ... podedes consultar calqueira cousa no seu blog

Portelazo

Seguindo co apartado de grandes festas recomendar unha vez máis o Portelazo. Ademais este ano podedes visitar o seu blog, para así enterarvos de todas as novas.

Fotos

Xa colgamos máis fotos no flrick do Ponte Louco deste ano. Fotos nosas, do José Luis do Milucho e do Julio da Teixeira. Se algún tedes algunha achega xa sabedes.

Ademais dicir que na web dos Djs do Portelazo colgaron máis fotos sobre a súa sexta edición. Son un pouco máis decentes que as que saquei eu, xa que o de coller a cámara as 7:30 da mañá estivo ben como esperimento sociolóxico, pero non salimos coa mellor cara.

Por último, voume facer un pouco de auto-bombo (nunca mellor dito), xa que creei unha conta no Panoramio. Para os que non coñezan unha breve explicación: o Panoramio é unha ferramenta do Google Earth no que se pode, ademais de colgar fotos, localizalas. Así cando alguén busca no mapa algo aparécenlle fotos dos usuarios. Así se poden ver fotos chulas da zona (recomendo a Domingo Vázquez ou Eladio) ou de outro lugares (os meus preferidos son Seara, Bob Fisher, luscofusco, ...) ou fotos ben bonitas coma estas dúas: o Campano e os meandros da Cubela. En resumidas contas que vos animo a que colguedes as vosas fotos

Portelazo III

Pois si foi o Portelazo, tardamos en publicar polo "shock", e eso que iamos preparados e ninguén intentou entrar ó coche pola ventana.

Como ainda non estamos moi recuperados e acabamos de chegar do San Mamede de facer a ruta (!que estrés¡) pois non nos saen moitas palabras, e ademais a cousas non é sinxela de esplicar, asi que mirade os videos de abaixo e algún máis que iremos colgando.

Á organización hai que poñerlle un 10, polo menos, pola cea, a música, o bar, as carpas,... de feito o Cándido era o encargado de amarrar un dos ferros (e saíu cos ollos pechados), por si acaso.

Nota aclarativa: as fotos son todas das 7:30 en adiante porque do quecemento non temos ningunha, pero se alguén que as teña as quere enviar, xa sabedes.

Algo se move na Ribeira: O Portelazo, Festas da Luz e Lumeares

A verbena está en crise e son poucas as festas dos pobos (as mellores) que resisten co modelo tradicional (Alais e pouco máis). Pois na ribeira veñen aires novos, xa que hai algúas festas que están a tirar por novos camiños.

Explicar que é o portelazo é un pouco difícil, de momento ide vendo que ben o pasa a xente...

Vamos intentalo: é unha festa que se celebra o 16 de agosto na Portela, parroquia de Sta Marta do Fontao (a Teixeira), na que en vez de levar unha orquestra a facer play-back levan un tío a pinchar de todo (dende Manolo Escobar, Spice-girls, ...), e algo de música en vivo, como se pode ver...
Este ano a música ao vivo poñena uns tales Airiños de Caldelas, pero volvendo o concepto Portelazo, avisarvos de que é unha festa que engancha, porque nós fumos por primaira vez o ano pasado e non penso faltar nuns cuantos anos, e eso que é o 16 de agosto que hai de todo, en todos os lados.

Eso sí coidado, que é unha festa moi perigosa...

As festas da luz foron, non hai tanto, das máis importantes da zona, e tras uns anos de agonía, a comisión decidiu dar un novo aire o ano pasado, organizando un concerto para o sábado, como podedes ver o ano pasado recuperou parte do explendor que tivo...

Para este ano, o 9 de agosto, veñen os Airiños (que deben ser moi coñecidos na zona), e Ultraqans, un grupo de speed-folc de xente mítica do panorama musical galego que formaron parte de grupos coma: Papaqueixos, ALberto Bundi e Turma Angologalega, Banda Potenkim, Os tres Trebóns, ...

Para non falar so de festas nas que actuamos os airiños (e que non digades que fago auto-bombo, nunca mellor dito), teño que decir que en Lumeares tamén renovan aires e o 8 hai algo de xaleo, a ver si algún lugareño nos pode informar algo máis.